Градоначалникот на општина Радовиш, Љупче Почивалец, оствари работна средба со претседателот на Општинскиот фудбалски сојуз Струмица, дел од ФФМ, Илија Илиев – Ромата.
На средбата беа разгледани можностите за унапредување на соработката во рамките на Општинската фудбалска лига, тековната поддршка што општината ја обезбедува за фудбалските активности, како и плановите и активностите на второлигашот Детонит Плачковица и ФК Слога од Злеово.
Токму Слога е единствениот клуб од радовишкиот регион што настапува во Општинската фудбалска лига Струмица.
“Остварена средба со претседателот на Општинскиот фудбалски сојуз Струмица Илија Илиев – Ромата. Во пријатна атмосфера се разговараше за активностите во ОФС Струмица. За плановите на ФК Детонит Плачковица и за плановите на ФК Слога од Злеово која се натпреварува во Општинската лига Струмица”
По подолг временски период, Општинската фудбалска лига во Струмица повторно е активна, а со нејзиното реактивирање се врати и ФК Слога од Злеово на фудбалската сцена.
Овој чекор претставува значаен импулс за развојот на локалниот фудбал, а Спортска Мрежа неодамна реализираше и специјална емисија посветена токму на оваа тема.
На средбата присуствуваше и членот на Управниот одбор на ФФМ, Станко Манчевски.
