ЖФК Вардар под водство на тренерот Теодора Димитровска официјално ги започна подготовките за пролетниот дел од Првата женска фудбалска лига, заедно со тренерот за физичка подготвеност Дамјан Ивановски. Девојките имаа тестирање, а претходно работеа според воведна индивидуална програма.
Следниот чекор е контролен натпревар со зголемен интензитет, кој ќе им помогне на девојките да ја подигнат формата и да се подготват за полусезоната.
Тимот е полн со енергија и мотивација, под водство на тренерите, подготвен да ги прифати сите предизвици!
Вардар како дебитант во елитното фудбалско друштво одигра солидна есен и презимува на осмото место со осум бодови, а во пролетниот дел „вардарки“ засилени ќе целат кон што е можно повисок пласман. Пролетниот дел Вардар го отвара против Топ Гол на домашен терен.
Вардар досега претстави четири засилување – голманката Натали Талевска, Михаела Марковска, Ивана Милевска и последно Ива Здравеска.
