Второлигашот Скопје кој во пролетниот дел ќе води борба за влез во Првата македонска фудбалска лига се засили со Бесмир Даци, 21-годишен талент кој доаѓа од косовски Шари во Автокоманда.
Десното крило стави потпис на договор со тимот кој го води искусниот стратег Александар Таневски, а Даци всушност е повратник во Скопје, бидејќи и во минатото го носеше дресот на „пиратите“, па доаѓа во добро позната средина.
Низ својата кариера Даци покрај за Шари во странство беше дел и од косовскиот Дукаџини, додека пак во македонскиот фудбал кариерата ја започна во Албарса беше дел од Шкупи, Борец, настапуваше за некогашниот второлигаш Локомотива од Градско и за Беса од Добри Дол.
Претходно, Скопје се засили со искусниот голман Кристијан Наумовски.
