Актуелниот шампион ЖФК Љуботен за пролетниот дел во кој ќе води борба за одбрана на двојната круна се засили со искусната голгетерка Улза Максути, која во тетовскиот тим доаѓа од редовите на албанскиот тим Грамши.
Стружанката во есенската полусезона настапуваше за Грамши, а сега се враќа во Љуботен, бидејќи настапуваше во натпреварите од квалификациите за Лигата на шампионите за тетовскиот тим.
26-годишната репрезентативка на Македонија има меѓународно искуство и со настапите за Унје Кадин од Турција, а претходно беше дел струшки Ас Јунајтед кој е нејзин матичен клуб, а имаше настапи и за Истатов.
Максути во претходните сезони кога настапуваше во Правата женска фудбалска лига постојано беше меѓу најдобри стрелци. Во сезона 2023/2024 Улза Максути во дресот на Ас Јунајтед од Струга постигна неверојатни 47 голови, а пак во сезона 2022/2023 беше трета на листата на најдобри стрелци со 35 гола.
Љуботен добива искуство име во своите редови со големо домашно, веќе и меѓународно искуство и се очекува да биде голгетер кој ќе решава Љуботен да ја одбрани титулата, бидејќи се работи за сигурно и проверено име.
Љуботен веќе договори и шест квалитетни тестови како што објави Спортска Мрежа низ кои ќе ја проверува формата, а тимот кој во есенскиот дел заврши на второто место зад лидерот Скопје со два бодови негатива, сега добива квалитетно засилување да ги оствари целите – одбрана на шампионската титула како и на Куп титулата.
