Четвртото коло во Втората футсал лига на Македонија направи промени на табелата, сега лидер на табелата е штипски Мал Ајакс со максимални 12 бодови на своето конто.
Штипјани имаат перфектен старт на сезоната со четири од четири, откако славеа во дербито на колото во Свети Николе со 2:3 над ланскиот прволигаш Овче Поле.
Во првиот дел натпреварот беше егал, шанси и на двете страни со мирни мрежи (0:0), во второто полуреме Теодор Наков го отвори резултатот за 0:1, а по една минута Иса Думишов даде гол за 0:2. Домашниот тим веднаш реагираше и преку Ѓорѓи Султанов намали на 1:2.
На требаше многу штипјани преку вториот гол на Дурмишов дојдоа до 1:3, а во финишот Султанов со втор гол само ги постави конечни 2:3 во дербито на колото.
Ланскиот прволигаш Карадаку на домашен терен претрпе тежок пораз од Партизан Југ од Брвеница со резултат од 5:11.
За домашнито тим Арифи и Саќипи беа двојни стрелци, а Куртиши посегина еден гол. За гостинскиот тим Спиркоски беше стрелец на четири гола, а хет-трик постигна Радески, додека пак по еден гол постигнаа Јадриески, Јанкулоски и Веселиновски.
Балкан приредени изненадување откако славеше над Кораби од Дебар, со високи и убедливи 9:3, а во меч каде Ибрахим Алији беше стрелец на пет гола, а пак Џељал Мјаку беше двоен стрелец. По еден гол постигнаа Пајтим Реџепи и Енис Реџеп. За гостинскиот тим Дргим Каја беше стрелец на три гола.
Каршиака со 7:4 дојде до победа над ССК Скопје, во меч каде домаќинот имаше иницијатива и доминација. Емини и Ќани беа стрелци на по три гола, а Мемеди постигна еден гол. За гостинот Димковски, Здравевски беа стрелци на по еден гол, а Стефан Здравески постигна два гола.
Колото ќе биде затворено вечерва во салата во Лабуништа, струшко со мечот меѓу Енхалон и Конзули од Битола, а по што Спортска Мрежа ќе направи анализа на табелата.
