Прволигашот Брера Струмица ги интензивира подготовките за продолжението од сезоната и главната фаза од зимскиот циклус ќе ја одработи во Грција.
Таму струмичани ќе имаат можност преку три пријателски натпревари да ја темпираат формата и да ја проверaт подготвеноста на ростерот. Брера ќе се тестира со грчкиот Ксанти, со Земун од Србија, а потоа и со Нестос.
“Генералката” ќе биде против бугарскиот тим Беласица Петрич.
Стручниот штаб предводен од Мартин Алаѓозовски ќе ја искористи оваа мини-камп фаза за да добие појасна слика за формата на играчите и опциите со кои ќе располага напролет.
Струмичани веќе имаат еден контролен дуел зад себе, во кој во Скопје беа поразени од Шкендија со 3:0.
Во пролетниот дел од шампионатот Брера ќе се потпира на млад состав, со јасна цел – обезбедување опстанок во Првата македонска фудбалска лига.
