Мега засилување за дебитантот во Првата футсал лига, Балкан, промовиран искусниот Таулант Исмаили, кој доаѓа од редовите на актуелниот шампион Форца.
Со вакво големо засилување Балкан дефинитивно го подига квалитетот на повисоко ниво, а репрезентативецот на Македонија ќе биде огромно засилување за дебитантот кој цели кон сигурен опстанок во футсал елитата на Македонија, односно опстанокот да биде изборен веќе во следните неколку кола.
35-годишниот играч низ својата кариера има голем број на шампионски титули, како и Куп титули, а беше дел од екипите на Арбен Бајрами, Шкупи, Велес и Железарец.
Како што дознава Спортска Мрежа, Балкан има планови на долгорочна основа, па така тимот покрај засилување со искусниот Таулант Исмаили ќе оди и кон тоа да гради тим за следната сезона со кој ќе се атакува на освојување на шампионската титула и излез во Европа односно Балкан да игра во квалификациите за Лигата на шампионите.
