Фудбалскиот клуб Пелистер продолжува со активностите на трансфер-пазарот и официјално го претстави Томче Гроздановски како ново засилување за пролетниот дел од сезоната во ПМФЛ.
25-годишниот играч за врска се враќа во македонскиот фудбал по интернационалната авантура во Романија, каде настапуваше за Конкордиа. Гроздановски со „зелено-белите“ потпиша договор до крајот на актуелната сезона, а во своето ЦВ има и еден настап за сениорската репрезентација на Македонија.
Кариерата ја започна во Металург, по што настапуваше за Кожуф, а потоа следуваше трансфер во Словачка каде го носеше дресот на Злате Моравче. Искуството го надгради и во Хрватска како член на Дугопоље, пред повторно да се врати во домашниот шампионат и да заигра за Работнички и Силекс.
Со ангажманот на Гроздановски, Пелистер добива фудбалер со меѓународно искуство и стабилност во средниот ред, што треба да биде значаен адут во борбата за пролетните предизвици.
Претходно, Пелистер се засили со Лука Милојевиќ, Милан Србијанац и Кире Ристевски, а тимот замина на подготовки во Анталија.
