Прволигашите Работнички и Шкупи денес одиграа пријателски натпревар во рамки на зимските подготовки за Првата лига. „Романтичарите“ беа подобри со резултат од убедливи 5:2.
За тимот од Дебар Маало двоен стрелец беше Бошнаков, а по еден гол постигнаа Манојлов, Шаини и Подграѓа.
Двете екипи во пролетниот дел ќе водат борба за опстанок во елитата, со тоа што Шкупи е во многу тешка ситуација за да стигне до опстанокот, а пак Работнички е во нешто подобра ситуација барем од аспект на бодовите, бидејќи тимот од Чаир е на дното со еден бод, а пак тимот од Дебар Маало е претпоследен со седум бодови.
