Филип Димоски денес официјално беше промовиран како ново засилување во редовите на Осогово. Тој се враќа меѓу „жетварите“, откако и во минатото го носеше дресот на клубот од Кочани.
Со денешниот тренинг на Градскиот стадион во Кочани беше означен почетокот на зимските подготовки на второлигашот, а Димоски веднаш се стави на располагање на стручниот штаб.
Фудбалерот очекува успешен пролетен дел од сезоната и исполнување на клупските цели.
„Денес започнав со првиот тренинг со Осогово, ги започнавме зимските подготовки. Очекувам успешна сезона како на тимски, така и на личен план и со тоа да имаме заеднички успешна сезона за градот Кочани и навивачите“, изјави Филип Димоски.
Осогово пролетниот дел од сезоната ќе го отвори на домашен терен, каде го очекува дербито против Каменица Саса.
