Второлигашот Осогово од Кочани за пролетниот дел од сезоната ќе биде посилен со Алпај Јусуф, се работи за 27-годишен играч за врска.
Низ својата кариера Јусуф беше дел од Арсими, Башкими, настапуваше и за Скопје, Детонит Плачковица, Кадино, Кит Го од Пехчево, за Силекс, Локомотива-Бентоекспорт и Милано.
Јусуф ќе биде големо засилување за „жетварите“ од Кочани кои сакаат сезоната да ја завршат во топ осум и да имаат директен опстанок во Втората лига. Останува сега Осогово да го потврди трансфер на Алпај Јусуф кој го најавува Спортска Мрежа.
Претходно, како што ексклузивно најави Спортска Мрежа, а Осогово потврди – Филип Димоски исто така е засилување на тимот од Кочани.
