Есенскиот шампион во Првата футсал лига, Проект од Јосифово ги започна зимските подготовки за пролетниот дел. Амбициите на клубот за вториот дел од сезоната покрај шампионската титула е и освојување на Куп титулата односно поранешниот шампион на Македонија атакува на освојување на двојната круна.
Како што дознава Спортска Мрежа во првите седум дена од подготовките акцент е ставен на физичката подготовка, а потоа и на тактичко-техничкиот дел. Атмосферата е на највисоко ниво и со нетрпение се очекува стартот на пролетниот дел.
Од клубот за Спортска Мрежа потврдуваат дека е поставена и нова цел – а тоа покрај освојување на шампионската титула, да се освои и Куп титулата. Во моментот според нашите информации клубот води преговори за одигрување на два меѓународни пријателски натпревари низ кои ќе се проверува формата.
Ростерот останува не променет, сите играчи остануваат во тимот од Јосифиво, задоволни и мотивирани за пролетниот дел да се врати титулата во своите редови. Се водат преговори за едно засилувања дознава Спортска Мрежа, останува клубот да потврди и да го промовира новото засилување во следниот период.
Проект одигра фантастична есенска полусезона и ги декласираше сите екипи во шампионатот, на секој натпревар имаше големи и убедливи победи. Тимот има девет од девет и максимални 27 бодови на своето конто, а пак конкурентите бранителот на титулата Форца и Кеги Моби со по 21 бод го делат второто место.
Овие две екипи ќе бидат конкуренти, но разликата од шест бодови веќе е сериозна предност за Проект на патот да ја врати титулата, со тоа што сите работи зависат само од непоразениот лидер.
