Македонската ракометна репрезентација со пораз го отвори Европското првенство, откако загуби од Данска со резултат од 36:24 во Хернинг.
По натпреварот свое видување за натпреварот имаше капитенот Филип Кузмановски.
„Честитки до Данска, мислам дека во грч го отворивме овој натпревар, но мислам дека против Португалија и Романија ќе бидеме малку поопуштени, денес играме во грч навистина. Ќе анализираме, како што го кажавме пред ова првенство дека со Данска ќе пробаме да изненадиме, но навистина е тешко. Данска за мене е фаворит на оваа Европско првенство. Нашиот таргет се Португалија и Романија, треба да се спремиме максимално, да ги поправиме грешките, мислам дека ќе бидеме послободни со Португалија и Романија и дека полесно ќе влеземе во натпреварот и треба малку без респект, да веруваме повеќе во себе, мислам дека ќе бидеме да бидеме далеку подобри од овој меч. Кога ќе ги анализираме сите натпревари, имаме многу технички грешки и промашени зицери и шутеви, но еве со време тоа го поправаме и мислам дека да бидеме на минимум ако сакаме ако сакаме да победиме една таква голема репрезентација како Португалија и Романија. За време на подготовките направивме анализа на сите репрезентации, добро познаваме од каде доаѓа опасноста на Португалија, треба да ги спречиме навистина и тие исто така трчаат. Данска беше еден добар тест за она кое не чека против Португалија и треба да одговориме на таа брза контра и да се надеваме на позитивен резултат“, рече капитенот Филип Кузмановски.
Македонија во недела ќе игра со Португалија, а веќе во вторник со Романија.
