Второлигашот Новаци денес под водство на шефот на стручниот штаб Дарко Крстески ги започна зимските подготовки за вториот дел од сезоната.
Тимот кој ја одигра најдобрата есенска полусезона во последната деценија стартува со амбиции за уште подобри резултати, а за таа цел ќе има неколку засилувања.
Како што ексклузивно дознава Спортска Мрежа ново засилување е Мартин Пивковски од Детонит Плачковица, клубот овој трансфер ќе го потврди во следните денови, а ќе пристигнат уште неколку засилувања според наши информации.
Исто така, Спортска Мрежа ги дознава и противниците за пријателските натпревари низ кои Новаци ќе ја проверува формата. Новаци договори тестови со младинците на Пелистер, со прволигашите Тиквеш и Пелистер и со есенскиот шампион во Втора лига, Охрид.
Претходно, Спортска Мрежа направи ексклузивно интервју со шефот на стручниот штаб Дарко Крстески, каде искусниот стратег зборуваше за сите предизвици пред влезот на Евротип како генерален спонзор, за резултатите, натпревари, плановите и целите.
Пролетниот дел Новаци го отвара со Победа во Прилеп.
