Брера Струмица во рамки на 13. коло доживеа минимален пораз на домашен терен од тимот на Силекс, кој дојде до победа од 0:1 со голот на Бојан Рајков.
Ваквата победа за Силекс е од голема важност бидејќи тимот од Кратово сега има ист број на бодови како и Шкендија која е втора, а од друга страна само бод помалку од непоразениот лидер Работнички, со што Силекс сериозно покрај за место во Европа се вмешува и во трка за титулата.
На „Билјанини Извори“ ланските финалисти во Купот одиграа реми без голови (0:0), Воска Спорт и Тиквеш мораа да се задоволат само со по еден бод.
Дербито меѓу непоразениот лидер Работнички и тетовска Шкеднија заврши без погодоци и без победник (0:0). Поранешните шампиони ги поделија бодовите.
Гостивар со голот на интернационалецот од Конго, Елвис Сукиса Машике дојде до минимална победа од 0:1 над Шкупи со што тимот на Гостивар сега се пробива до четвртото место на табелата со 24 бодови колку што има и Силекс кој е трет. „Хаос“ во горниот дел од табелата.
Беса загуби од шампионот Струга, кој дојде до победа од 1:2 преку пресврт. Башким Велија на стартот од вториот дел постигна гол за водство на дебитантот во лигата од 1:0, а потоа Струга со два брзи гола дојде до конечните 1:2.
Јевтовски погоди во 63. минута, а Кехинде во 64. минута за пресврт и победа на шампионот од 1:2.
Колото ќе се комплетира вечерва со мечот меѓу Пелистер и Вардар кој се игра под рефлектори во Битола од 19 часот.
