Охрид денес ги започна подготовките за пролетниот дел во Втората македонска фудбалска лига, под водство на младиот стратег Ромео Кочоски, кој бележи одлични резултати со „рибарите“.
Денес беше одработен првиот тренинг на теренот со вештачка трева при СРЦ „Билјанини Извори“, а како што веќе објави Спортска Мрежа клубот договори и неколку пријателски натпревари.
„Рибарите“ ќе ја проверуваат формата со Струга Трим Лум, Новаци и Тетекс, а ќе бидат закажани уште два контролни натпревари преку кои ќе се „бруси“ формата.
Охрид со 36 бодови презимува на првото место има бод повеќе од Шкендија Арачиново која е втора, а Охриѓани пролетниот дел го отвараат во Струмица против Беласица.
