Прволигашот Работнички денес ги започна подготовките за пролетниот дел од сезоната каде што тимот од Дебар Маало ќе има тешка задача да го избори опстанокот во елитата.
Клубот денес под водство на новиот стратег Муарем Муарем означи почеток на зимските подготовки, кој е четврти тренер сезонава на „романтичарите“.
Работнички презимува на претпоследното место на табелата со само седум бодови на своето конто и ќе биде исклучително тешко во пролетната битка за опстанок.
Минатата сезона Работнички се бореше за титула и излез во Европа, не успеа во трката за титула, но обезбеди излез во Европа, а сега се бори за опстанок.
Во следниот период се очекува повеќе информации околу подготовките, планот за истите, како и пријателски натпревари за проверка на формата.
