Второлигашот Шкендија Арачиново за пролетниот дел ќе биде посилна со Иљаз Чиљафи, кој доаѓа од редовите на Слога Виница.
27-годишникот има драгоцено искуство кое ќе биде важно во остварувањето на пролетните цели на тимот од Арачиново.
Низ својата кариера Чиљафи беше дел и од Брегалница, Брера Струмица, Детонит Плачковица, Воска Спорт, Беса од Добри Дол, Тетекс, Гостивар, настапуваше и за Шкендија, Струга Трим Лум, Работнички и Вардар.
По разделбата со 13 играчи која ја направи Шкендија Арачиново, веќе следува пополнување на ростерот на тимот од Арачиново, со тоа што Чиљафи е шесто засилување, откако претходно беа претставени голманот Антонио Столевски, Сухејб Рушити во пакет од Слога Виница, Махир Ајрули од Каменица Саса, Владимир Жоглев од Осогово и Зани Назифи од Шкупи.
Шкендија Арачиново презимува на второто место со 35 бодови, еден помалку од лидерот Охрид.
