Македонскиот голман Давид Денковски повеќе не е дел од екипата на Посушје, откако двете страни постигнаа договор за предвремен прекин на соработката.
Иако договорот со босанскиот прволигаш беше активен до крајот на сезоната, 25-годишниот чувар на мрежата од Куманово реши шест месеци порано да ја заврши својата авантура во Премиер лигата на БиХ.
Ангажманот во Посушје беше прво интернационално искуство во кариерата на Денковски, кој претходно настапуваше исклучиво во домашниот шампионат.
Во Македонија беше дел од неколку клубови, меѓу кои Вардар, Шкупи, Брегалница, Брера и Кит-Го Пехчево, градејќи континуитет и искуство на прволигашко ниво.
По раскинот на договорот, Денковски моментално е слободен агент и во наредниот период се очекува да донесе одлука за следниот чекор во кариерата, со цел да ја продолжи формата и да добие нов предизвик во 2026 година.
