Ракометната федерација на Македонија и селекторот Кирил Лазаров ја продолжија соработката до 2029 година, односно за плус три години.
Селекторот Лазаров ја презеде репрезентацијата во 2021 година во улогата на играч и селекторот, а потоа комплетно само како селекторот.
Тој истакна дека следува период исполнет со сериозна работа, јасни цели и високи очекувања.
„На заедничко задоволство ја продолживме соработката со Ракометната федерација на Македонија. Водењето на национален тим, поготово на својата земја, е голема чест и одговорност. Благодарен сум за укажаната доверба и поддршка. Пред нас е период исполнет со сериозна работа, јасни цели и високи очекувања. Со заеднички труд, дисциплина и целосна посветеност ќе продолжиме да работиме на напредокот на националниот тим и достоинствено претставување на Македонија, со фокус на стабилност и резултати на долг рок“, изјави селекторот Кирил Лазаров.
Македонија на Европското првенство кое започнува на 15 јануари е во група со Данска, Португалија и Романија. ЕП го отвара против Данска на 16 јануари, два дена подоцна против Португалија, а пак на 20 јануари ќе играме со Романија.
