Македонската ракометна репрезентација ќе патува со 19 ракометари на подготвителниот турнир во Винтертур, каде што избраниците на селекторот Кирил Лазаров ќе одиграат контролни средби против Бахреин, Украина и Швајцарија.
По овој турнир, националниот тим ќе замине за Хернинг, каде на 13 Јануари е планиран уште еден пријателски натпревар со данскиот прволигаш Митјиланд, како последна проверка пред Европското првенство.
Лазаров го направи финалниот рез во составот пред почетокот на шампионатот што ќе се одржи во Данска, Шведска и Норвешка. Од првичниот список од 21 играч, надвор од комбинација за настап на ЕП останаа десниот бек- Томислав Јагуриноски од ГРК Охрид и средниот бек- Мартин Ивановски од Алкалоид.
Останатите ракометари ќе конкурираат за место во ростерот за континенталниот собир, а репрезентацијата ќе ги продолжи подготовките во натпреварувачки ритам преку контролни дуели и турнири.
Состав на Македонија за ЕП 2026:
Никола Митревски, Иван Галевски, Мартин Томовски, Петар Атанасијевиќ, Иван Џонов, Никола Костески, Ненад Костески, Павле Атанасијевиќ, Жарко Пешевски, Михаил Аларов, Самоил Ристевски, Никола Маркоски, Марко Стојковиќ, Мартин Велковски, Мартин Серафимов, Филип Кузмановски, Дамјан Митев, Марко Митев, Игор Ѓорѓиев.
