Младиот стратег Мартин Алаѓозовски на 9 јануари ја закажа првата ждрепка и првиот собир на прволигашот Брера Струмица со што ќе започнат подготовките за пролетната полусезона.
Ќе има промени во ростерот на струмичкиот прволигаш, од тимот заминаа Фахд Нзенгуе, Фодеј Травали, Хаџи Драме и Мануел Куестас кој беше на позајмица од Вардар.
Според информациите на Спортска Мрежа се водат интензивни преговори за засилувања кои во следниот период ќе треба да бидат промовирани. Како што дознаваме струмичкиот прволигаш преговара на позиција десно крило и напаѓа, како и двајца играчи од среден ред.
Според нашите информации тимот ќе замине и на подготовки, а веќе во следните денови ќе биде позната и локацијата каде Брера ќе ја темпира формата за пролетниот дел.
На 15 јануари ќе биде првиот пријателски тест со Шкендија, а на 7 февруари ќе има тест со второлигашот Детонит Плачковица, а ќе бидат одиграни и неколку пријателски натпревари за време на главната фаза од подготовките за што противниците исто така ќе бидат познати деновите.
Струмичани под водство на младиот стратег Мартин Алаѓозовски одиграа одлична есен и завршија на седмото место со освоени 19 бодови, а во пролетниот дел тимот ќе се бори да го потврди директниот опстанок во фудбалската елита на Македонија.
