Општинскиот фудбалски сојуз (ОФС) Кочани распиша конкурс под мотото „Биди и ти фудбалски судија“, со цел проширување и подмладување на судиската организација.
Право на пријавување имаат млади лица на возраст од 16 до 25 години, без разлика на полот, кои имаат желба да започнат кариера во фудбалското судење.
Конкурсот ќе биде отворен до 10 февруари 2026 година, а заинтересираните кандидати можат да се пријават на телефонскиот број 078 948 456 (Драган Јаневски) или преку електронска пошта на ofskocani@gmail.com.
Преку овој повик, ОФС Кочани им нуди можност на младите љубители на фудбалот да направат први чекори во судиската професија, со обезбедени соодветни обуки, едукација и можност за напредување во рамки на фудбалските натпреварувања.
Инаку, ОФС Кочани е организатор на Третата македонска фудбалска лига – Исток.
