Македонскиот ракометен шампион Еурофарм Пелистер ќе продолжи во вториот дел од сезоната без египетскиот интернационалец Мохамед Калид Валид.
Клубот и ракометарот донеле заедничка одлука за прекин на соработката пред истекот на договорот, со што двете страни го затвораат ова кратко поглавје.
Калид Валид во Битола пристигна летово и беше дел од ростерот во натпреварите од Суперлигата и Лигата на шампионите, а со „зелено-белите“ успеа да го освои и трофејот во Суперкупот на Македонија.
“Шампионот на Македонија, Еурофарм Пелистер, ја информира јавноста дека спогодбено го раскина договорот со ракометарот Мохамед Калид Валид пред истекот. Двете страни беа согласни за промена и затоа оваа операција брзо е завршена. Во нашиот дрес Калид Валид го освои Суперкупот на Македонија и имаше забележителни настапи во Лигата на шампионите и Суперлигата. Клубот му се заблагодарува на соработката и му посакува успех во понатамошната кариера”, велат од клубот.
