Езерското дерби за Црн Дрим – пораз за Охрид, Струмица ФМП со висока пресилна во Свети Николе!

Со одигрувањето на 11. коло во Првата македонска кошаркарска лига – мажи, јасно е дека продолжението од сезоната ќе донесе уште поголема неизвесност и борба за врвот во двете групи. Дерби дуели, убедливи победи и резултатски изненадувања го одбележаа последното коло пред паузата.

• ГРУПА А

Црн Дрим – Охрид 75:66
„Езерското дерби“ во Струга им припадна на кошаркарите на Црн Дрим, кои со поцврста игра во второто полувреме ги освоија бодовите. По израмнетото прво полувреме, во кое Охрид имаше минимална предност, домаќинот ја презеде контролата по паузата и со сигурна завршница стигна до победата. Камилоски со 21 поен беше најефикасен, додека кај Охрид најмногу се истакна Хоукинс со 17 поени.

Мега баскет – Вардар 111:107
Прилепчани славеа во спектакуларен меч со дури 218 постигнати поени. Мега баскет му го нанесе вториот пораз сезонава на Вардар и се израмни со него на врвот во групата. Натпреварот беше неизвесен до самиот крај, а Враниќ со 27 поени беше клучен за победата. Кај Вардар, Ѓорѓевиќ постигна 29 поени.

Младинец – Тетекс ТТК 61:91
Тетекс ТТК одигра доминантен натпревар во Скопје и убедливо ја совлада екипата на Младинец. Гостите рано стекнаа висока предност и рутински ја одржуваа до крајот. Шуменковски со 26 поени беше прв стрелец на натпреварот.

• Табела – Група А

Следно коло – Група А

• Охрид – Мега баскет

• Тетекс ТТК – Црн Дрим

• Водно Санс – Младинец

• Вардар – слободен

ГРУПА Б

Борец баскет – Струмица Ролинг 127:50
Велешани ја запишаа една од најубедливите победи сезонава. Од самиот старт го наметнаа темпото и без проблеми стигнаа до седмиот триумф. Несторовски и Сапроновски беа незапирливи во нападот.

Овче Поле – Струмица ФМП 59:96
Струмица ФМП рутински ги освои бодовите на гостувањето во Свети Николе. Со контролирана игра во текот на целиот натпревар, гостите ја потврдија лидерската позиција. Пандев со 24 поени беше најдобар поединец.

Соколи 1933 – Бутел 74:62
Соколи 1933 стигнаа до значајна победа во Штип и се израмнија со Струмица ФМП на врвот во групата „Б“. Домаќините рано создадоа разлика која успешно ја одржаа до крајот. Караколев со 24 поени ја предводеше својата екипа.

• Табела – Група Б

Следно коло – Група Б

• Бутел – Борец баскет

• Струмица ФМП – Соколи 1933

• Струмица Ролинг – Спортисимо

• Овче Поле – слободен

Со ваква бодовна израмнетост и силна конкуренција, продолжението од сезоната во Првата македонска лига ветува уште повеќе дерби натпревари и жестока борба за пласман во завршницата.