Еден од странските фудбалери го напушта редовите на Пелистер во пресрет на продолжението од сезоната во Првата македонска фудбалска лига. Битолчани веќе влегоа во активен период од преодниот рок, а првата промена во играчкиот кадар е заминувањето на српскиот интернационалец Петар Ристиќ.
Десното крило повеќе не е дел од „зелените“, откако двете страни одлучија да ја прекинат соработката. Ристиќ во дресот на Пелистер настапи на 11 првенствени натпревари, при што постигна еден погодок и забележа четири асистенции, а на теренот мина вкупно 438 минути.
25-годишниот фудбалер е роден во Врање, а во Битола пристигна од српскиот Трајал од Крушевац. Во својата кариера има настапувано и за неколку познати српски клубови, меѓу кои Мачва, Радник, Раднички Ниш, Јагодина, Тимочанин и Будуќност Поповац.
Пелистер во наредниот период се очекува дополнително да го освежи ростерот со цел да обезбеди што подобар пласман во вториот дел од шампионатот, додека заминувањето на Ристиќ е само почеток на најавените промени во битолскиот клуб.
