Познати се судиите кои ќе ја делат правдата на натпреварите од 13. коло од Првата македонска фудбалска лига.
Крумислав Ѓоргиев ќе ја дели правдата меѓу Воска Спорт и Тиквеш, Александар Грујоски ќе биде задолжен за правдата на мечот меѓу Шкупи и Гостивар, Јован Качевски ќе го суди дербито меѓу Пелистер и Вардар под рефлектори во Битола.
Александар Ставрев ќе им суди на Брера и Силекс, Димитар Пилешков го доби дербито на колото меѓу непоразениот лидер Работнички и Шкендија, а пак Игор Иванов ќе им суди на Беса и шампионот Струга Трим Лум.
Сите натпревари ќе започнат во 13 часот, освен мечот во Битола кој се игра под рефлектори со почеток од 19 часот.
- ДЕЛЕГИРАНИ СУДИИ 13. КОЛО ПРВА ЛИГА:
Воска Спорт – Тиквеш, Крумислав Ѓоргиев (Штип)
Шкупи – Гостивар, Александар Грујоски (Кичево)
Пелистер – Вардар, Јован Качевски (Струга)
Брера Струмица – Силекс, Александар Ставрев (Скопје)
Работнички – Шкендија, Димитар Пилешков (Штип)
Беса – Струга Трим Лум, Игор Иванов (Велес)
