Ракометарите на ГРК Охрид во четврток ги очекува гостување кај екипата на Радовиш, во рамки на 18. коло од Супер лигата. Охриѓани влегуваат во овој дуел со јасна цел – со победа да ја заокружат најуспешната полусезона досега.
Иако противникот е без освоена победа во досегашниот дел од првенството, во таборот на Охрид владее сериозен пристап и максимална концентрација.
Тимот е свесен дека секој натпревар носи свои предизвици, а бодовите се од исклучително значење за задржување на позитивниот ритам.
Натпреварот го најави ракометарот на ГРК Охрид, Владимир Бојаниќ, кој потенцира дека екипата нема намера да потцени никого и дека целта е јасна – победнички крај на полусезоната.
„Иако Радовиш е екипа без победа досега, ние влегуваме максимално во натпреварот и се надеваме дека со победа ќе ја завршиме најуспешната полусезона досега.“- изјави Бојаниќ.
Натпреварот помеѓу РК Радовиш и ГРК Охрид ќе се одигра во четврток, на 18 декември, во СРЦ „25 Мај“, со почеток од 15:00 часот, а охриѓани ќе се обидат со уште една сигурна партија да ја потврдат добрата форма пред паузата.
