Бранителот на двојната круна, Форца, вечерва со 7:17 славеше висока победа над дебитантот од осмата рунда на Првата футсал лига на гостински терен.
Балкан имаше сили само за едно полувреме кога резултатот беше 5:6, а во вториот дел Форца покажа моќ, а пак искусниот Зоран Левески во финишот се „распука“ со серија погодоци.
Ибрахим Алији и Џељаљ Мјаку постигнаа по три гола, а пак Јусуф Сулејмани беше стрелец на еден гол. За гостинот Зоран Левески постигна шест погодоци, Јесус Алејандро Ривар Миранда постигна хет-трик, а пак двојни стрелци беа Јасир Зекири и Елиезер Јосе Линарес Морено, како и Берат Рамадани, а еден гол постигна Игор Рикардо Де Алмеида Постиго, а пак Ибрахим Алији од тимот на Балкан си постигна и автогол.
Кеги Моби вечерва забележа сигурна победа од 3:1 над Јувентус Серава со што трите бодови останаа во Велес. Во првиот дел немаше погодоци, а резултатот го отвори Кирил Ивановски во 24. минута, а потоа во финишот на мечот домаќинот постигна уште два гола преку Трајче Трајков во 35. минута и Бобан Дукадиновски две минути подоцна.
За гостинот утешен гол во 40. минута постигна Фуркан Шабани за ублажување на поразот од 3:1.
