Екипата на Мулти Есенс стигна до 11-тата сезонска победа во Првата ракометна лига откако со 25:31 го доби Драчево Јуниор на гостински терен.
Тимот од Автокоманда одлично го отвори мечот откако имаше фантастични 1:9 по 14 минути игра, потоа домаќинот заигра подобро и успеа да стигна на минус три при 9:12, а потоа дојде и до минус два при 12:14, а на полувреме Мулти Есенс имаше предност од 13:16.
Во вториот дел гостинот не дозволи домаќинот да дојде до резултатски приклучок и одигра концентрирано за да нова резултатска предност која во 52. минута се искачи на плус десет при 18:28, а конечниот исход беше 25:31.
Најдобар кај Драчево Јуниор беше Филип Петровски со осум гола, а го следеше Александар Стојанов со пет погодоци, кај Мулти Есенс прво име беше Немања Џигеровски со 12 гола, а пак Христијан Гурмешевиќ имаше шест погодоци.
Мулти Есенс е втор со 22 бодови, два бода помалку од лидерот Младост, а пак Драчево Јуниор е трет со 18 бодови.
