Пет натпревари од последното есенско коло на Втора лига се одложуваат за 14. февуари тоа значи дека последната есенска рунда ќе се комплетира следната година, ексклузивно дознава Спортска Мрежа.
Обилните врнежи од дожд ги поплавија најголем дел од фудбалски терени на второлигаши, а домаќините побараа одложување на натпреварите бидејќи нема услови за фудбалска игра.
Од таа причина ФФМ официјално одложи пет натпревари од 15. коло од есенскиот дел, а истите ќе се одигра на 14. февруари 2026 година, тоа значи дека второлигашкиот фудбал за 2025 година заврши за неколку клубови.
„Ве информираме дека поради лоши временски услови и лоша состојба на повеќето од терените на кои треба да се игра 15. коло на Втора МФЛ, Ве информирам дека следните натпревари се одложуваат и ќе бидат насочени да се одиграат пред почетокот на пролетниот дел на првенството, 14.02.2025 година.“
Одложените натпревари од 15. коло се Детонит Плачковица – Скопје, Слога Виница – Охрид, Осогово – Новаци, Кожуф – Вардар Неготино, Големо Коњари – Тетекс.
Шкендија Арачиново со Саса и Победа со Брегалница ќе играат утре, а мечот меѓу Беласица и Преспа се игра во недела.
