Екипата на Шкендија е последниот патник во четвртфиналето, со што конечно се комплетираше осминафиналето, откако денес во Тетово со 2:0 екипата на Шкендија беше подобра од Тиквеш.
Интернационалецот од Нигерија, Ибрахим Алхасан Адаму со гол во финишот на првиот дел го отвори резултатот за водство на Шкендија на полувреме. Во вториот дел неизвесноста беше до самиот финиш кога Атдхе Мазари во 91. минута погоди за конечни 2:0.
Претходно во четвртфиналето се пласираа Струга Трим Лум, Охрид, Вардар, Силекс, Работнички, Шкендија Арачиново и Детонит Плачковица.
Сега со ждрепка која ќе се одржи во ФФМ ќе бидат одредени двојките за четвртфиналето, а во кое ќе се соочат три второлигаши и пет прволигаши.
