Женската А репрезентација на Македонија запиша минимална победа од 1:0 над Молдавија во рамки тренинг кампот во Банско, Бугарија.
Нашата репрезентација е на тренинг камп во Банско, каде ќе одигра два пријателски натпревар против Молдавија, а веќе првиот македонската репрезентација предводена од селекторот Александар Андов запиша триумф.
Погодокот за македонската репрезентација го постигна Јилза Максути, фудбалерката на струшки Ас Јунајтед во 93. минута од натпреварот.
Натпреварот се одигра на стадионот Разлог, а веќе на 29. октомври нашата најдобра репрезентација ќе одигра уште еден пријателски меч, исто така, против Молдавија, на истиот стадион во 15:30 часот.
