Овој викенд ќе се одиграат натпреварите од осмото коло во Третата македонска фудбалска лига – Запад, а дербито на колото ќе го одиграат Вардар Брвеница и ланскиот второлигаш Тетекс од Тетово.
Повеќе од пеколна атмосфера се очекува во Брвеница, веќе верните „Војводи“ се мобилизираат за овој натпревар кој е од голема важност за Тетекс на патот кон првото место и баражот за можно враќање во Втора лига.
„Војводи“ во недела ќе го прослават 36-от роденден на навивачката група, затоа имаат дополнителна причина за уште поголема мобилизација, за уште поголема борба од трибините и поддршка на нивниот Тетекс.
Вардар Брвеница е незгоден тим со играчи кои во минатото настапувале во Првата лига, затоа „штофарите“ бараат силна поддршка, свесни за тешкиот меч сакаат силна поддршка од своите навивачи.
Тетекс е прв на табелата со 16 бодови колку што има и ланскиот шампион Влазерими кој не го помина баражот за Втора лига, а пак Вардар Брвеница е на делба на четвртото место со 10 бодови на своето конто.
Супер мега дербито меѓу Вардар Брвеница и Тетекс Тетово се игра в недела од 12 часот.
