Фудбалскиот клуб Интер Кукла упати искрена благодарност до Општина Струмица и градоначалникот за поддршката и помошта при уредувањето и подобрувањето на фудбалското игралиште во село Куклиш.
Од клубот истакнуваат дека ваквата соработка претставува голем поттик за развој на спортот и младите во локалната заедница. Благодарение на оваа поддршка, фудбалерите на Интер Кукла добиваат подобри услови за тренинг и натпревари, а љубителите на фудбалот ќе можат да уживаат во уште поквалитетна спортска атмосфера.
Со вакви заеднички чекори, спортот во Куклиш и поширокиот Струмички регион продолжува да расте, да обединува и да инспирира нови генерации фудбалери.
