По осум одиграни кола во ракометната Суперлига на Макеоднија, Алкалоид е максимален со 16 бодови на своето конто. Тимот од Автокоманда има осум од осум со убедливо најдобар напад кој е пред бројката од 300 постигнати погодоци, односно во моментот Алкалоид има 283 постигнати погодоци или во просек над 35 погодоци по натпревар.
На второто место е Охрид со 14 бодови и скор од седум победи и еден пораз од шампионот Еурофарм Пелистер со тоа што „гладијаторите“ ја имаат најефикасната одбрана која приминала 176 погодоци. Охрид во просек по натпревар примал по 22 погодоци.
На третото место е Вардар со ист број на бодови како и Охрид со тоа што најтрофејниот има скор од седум победи и пораз од Алкалоид.
На четвртото место е Еурофарм Пелистер со 12 бодови и скор од шест победи и два порази од Вардар и Алкалоид, вториот пораз му пресуди на тренерот Бранислав Ангеловски си поднесе оставка, а привремено екипата ќе ја води Звонко Шундовски, додека биде назначен нов тренер.
Бутел се зацврстува на петтото место со 10 бодови на своето конто со што скопскиот тим пополека, но сигурно го обезбедува местото во плеј-офот.
Тиквеш со променлива игра и натаму е неизвесен за плеј-офот со седум бодови кавадаречкиот прволигаш е на шесттото место.
Место за плеј-офот сакаат и Пролет кој е седми со шест бодови и Пролеп кој е осми со пет бодови, но трите порази во низа за прилепчани, од кои двата од Бутел и Тиквеш даваат сигнали дека прилепчани сепак многу веројатно е дека ќе бидат од плеј-аут сегментот каде.
Куманово е на деветтото емсто на табелата со четири бодов и скор од две победи и шест порази, а ист скор има и Струга која исто така со четири бодови е на 10. место.
Претпоследен е дебитантот Бисинов од Велес со три бодови на своето конто, а пак Радовиш е последен со еден бод. Всушност овие две екипи во меѓусебниот дуел одиграа нерешено и ги поделија бодови.
Двете екипи повеќе од јасно е дека ќе водат тешка борба за опстанок, а статистички се блиску една во однос на друга. Бисинов има постигнато 189 погодоци, а пак Радовиш 186 погодоци со што радовишани се најслаби од аспект на реализации, а пак Радовиш има примено 264 погодоци, додека пак Бисинов има примено 266 погодоци со што велешани ја имаат најслабата одбрана во лигата по осум кола.
- ТАБЕЛА ОД СУПЕРЛИГА, 8. КОЛО:
