Детонит Плачковица приреди неверојатен финиш на гостувањето во Македонска Каменица, освојувајќи вреден бод по драматично реми (2:2) со Каменица Саса. Радовишани успеаја да надоместат два гола негатива во последните минути од натпреварот, благодарение на Валентин Блажески и Сашко Дуков.
Иако Детонит беше со играч повеќе на теренот, долго време резултатот беше неповолен. Сепак, во 88. минута Блажески успеа да ја врати надежта со погодок за 2:1, а вистинскиот шок за домашните дојде во 97. минута, кога Дуков стрелаше против својата поранешна екипа и го постави конечниот резултат 2:2.
Со овој бод, Детонит Плачковица покажува дека има карактер и борбен дух до последниот свиреж.
