Во рамките на 12. коло од Супер лигата, ракометарите на Охрид ги очекува нов голем и важен предизвик – средба со силниот тим на Алкалоид, која ќе се одигра оваа среда- 12 Ноември во спортската сала „Билјанини извори“, со почеток во 19 часот.
Десниот бек на Охрид, Томислав Јагуриноски, го најави мечот за „Спортска Мрежа“ и истакна дека очекува дека неговата екипа ќе даде сè од себе против силниот противник:
,, Алкалоид е екипа којашто се гледа дека секоја година е тука, во трката за шампионската титула, се разбира ќе биде многу тежок меч. Ние ќе се подготвиме, ќе работиме, ќе го дадеме својот максимум, секако за да може да победиме бидејќи и Охрид во оваа сезона дојде како екипа што може да се бори со тие три екипи- Вардар, Еурофарм и Алкалоид, но сепак останува во среда да го дадеме нашиот максимум и да видиме како ќе биде. “- изјави Јагуриноски.
Екипата на Охрид ќе се обиде да го искористи домашниот терен и поддршката од навивачите за важен триумф. Очекувањата се динамична и неизвесна игра, каде секој поен ќе биде борба за лидерска позиција и самодоверба во продолжението од сезоната.
Навивачите можат да очекуваат спектакуларен натпревар и вистинска ракометна драма, па така средбата во „Билјанини извори“ ветува емоции и возбудлив спортски момент кој не смее да се пропушти.
