Во рамки на денешното седмо вонредно коло во Трета лига – Север екипата на Фортуна со 3:5 го доби дербито со БВК Коњаре на госитнски терен, во меч каде најдобриот стрелец Орхан Мифтар постигна хет-трик и со тоа се зацврстува на листата на најдобри стрелци. Еден гол беше дело на Харис Азизи, а пак Фати Јусуфи си постигна автогол.
За БВК Коњаре беше двоен стрелец беше Алајдин Ахили, а еден гол постигна Фати Јусифи.
Академија Илинден и Башкими Љуботен ги поделија бодовите откако одиграа 1:1. Мурати погоди за домаќинот за 1:0, а пак Авдулаи во 30. минута постигна гол за конечни 1:1.
Њу Старс го загуби дербито со Ржаничино откако гостинскиот тим во вториот дел од мечот преку пресврт стигна до трите бодови.
Ѓорѓијев постигна гол во 7. минута за 1:0, а во вториот дел Колевски и Лазев со два брзи гола обезбедија 1:2, а во 83. минута Спасевски ги постави конечните 1:3.
Аеродром во 92. минута преку Киприновски дојде до бод во дуелот со Беса Влазерими од конечни 2:2. Фетаи погоди за 0:1 за гостинот, а пак Каланоски во вториот дел израмни на 1:1. Бајрами уште еднаш го донесе гостинот до водство, но Киприновски ги постави конечните 2:2.
Поранешниот второлигаш Кадино со голот на Петар Попоски дојде до триумф од минимални 0:1 над новиот третолигаш Пчиња.
Некогашниот прволигаш Еуромилк ГЛ остана без трите бодови во 92. минута откако одигра 4:4 против ланскиот шампион Куманово.
Златковски постигна гол за водство на Куманово, а до крајот на првиот дел Бакијов и Анчевски погодија за 1:2 на полувреме односно пресврт на Еуромилк ГЛ.
Во вториот дел Стевчевски и Златковски со втор гол одново го донесоа Куманово во водство од 3:2. Во 72. минута Исмаиловски и Митров во 83. минута направија нов пресврт и ново водство на Еуромилк ГЛ од 3:4, а во финишот односно во 92. минута Ергин Шерифи ги шокираше гостите за конечни 4:4 и поделба на бодовите.
Колото ќе се комплетира следната среда со мечот меѓу Шкендија Арачиново и Риниа.
