Денес со пет натпревари беше отворено вонредното седмо коло од Трета лига – Запад, а кое ќе се комплетира утре со мечот меѓу Речица и Ренова.
Ланскиот второлигаш Тетекс го „здроби“ Доброшти со превисоки 6:1 на домашен терен, со што засега „штофарите“ играат според планот, со доминантна игра, убедлив и конкретен фудбал.
Ерјон Елмази постигна хет-трик, Азис Јамини беше двоен стрелец, а еден гол постигна Меритон Салији. а гостинот единствен стрелец беше голгетерот Бетим Етеми.
Ланскиот шампион со Влазерими со 3:0 го декласиреше убедливо Љуботен, кој си постигна и автогол. Мурат Адили и Лабинот Елез погодија за 2:0, а Филип Бимбилоски во 41. минута си постигна автогол за конечни 3:0.
Џепчишти со 2:0 го доби дербито со Дрита и продолжува на патот кон својата цел – бараж за Втора лига. Саљиу и Синани беа двојни стрелци за триумф на домаќинот, во меч каде судијата Дарко Радески покажа девет жолти картони, од кои три на крајот стана црвени кај домаќинот.
Реми со по четири гола меѓу Велазерими Слатино и Напредок за конечни 4:4. Котевски и Аврамовиќ погодија за некогашниот прволигаш од Кичево за 0:2 на полувреме, а во вториот дел Алији и Лимани ги поставија конечните 2:2 во вториот дел.
Реми од 2:2 и меѓу Зајази и Вардар Брвеница во меч каде сите четири погодоци паднаа во вториот дел. Алими постигна гол за 1:0, а гостинот преку Богданоски и Михајловски дојде до пресврт од 1:2 во 80. минута. Седум минути подоцна Руфати ги постави конечните 2:2 за поделба на бодовите.
