Во недела ќе се играат натпреварите од 9. коло на Трета лига – Исток. Веќе се делегирани и судиите кои ќе ја делат правдата на истите.
Дојранско Езеро на домашен терен ќе бара позитивен резултат против фаворитот Овче Поле, а главен судија ќе биде Крумислав Ѓоргиев, негови помошници ќе бидат Ристо Ѓорѓиев и Цане Давитков.
На „Кукуш“ екс прволигашот Хоризонт Турново како голем фаворит ќе се соочи со аутсајдерот Светлост од Зрновци. Виолета Јанчева ќе ја дели правдата на овој натпревар, а помошници ќе бидат Стефан Митров и Петар Манчев.
На Градскиот стадион во Берово ќе се соочат Малеш и Ударник, а правда ќе делат Борче Коцев како главен судија и неговите помошници Славе Станисавовски и Кирил Манчев.
Во Струмица каде ќе играат Тиверија и непоразениот лидер Победа Валандово главен судија ќе биде Тодор Апостолов, а негови помошници ќе бидат Дејан Стоиков и Богданчо Ѓеоргиев.
Иван Јанев го доби мечот меѓу Карбинци и Брегалница од Делчев, а негови асистенти ќе бидат Николче Симонов и Игорче Богатинов.
Сите натпреварите од деветтото коло на Трета лига – Исток стартуваат во 13 часот.
