Со еден натпревар утре и два во недела ќе се одигра 7. коло на Втората женска фудбалска лига. Познати се судиите кои ќе ја делат правдата на трите натпревари од оваа рунда.
Утре, екипата на Слободен ќе го пречека тимот на Борец, во меч каде домаќинот гледа идеална шанса за позитивен резултат.
Јована Максимовска ќе биде главен судија, а помошници ќе бидат Теодора Крстевска и Ангела Милановска, а пак Бурханедин Салихи ќе биде контролор.
Натпреварот се игра во Горно Лисиче со почеток од 13:30 часот.
Порече како фаворит ќе го пречека тимот на Плачковица од Радовиш, а Димитар Здравески ќе биде главен судија. Помошници ќе бидат Дино Конески и Дарко Макалоски. Контролор на средбата ќе биде Илчо Јорданоски.
Натпреварот се игра во Македонски Брод со почеток од 13 часот.
Битолски Конзули мечот со Билјанини Извори ќе го одигра на Градскиот стадион во Ресен. Борис Трајков ќе го суди овој дуел, а негови помошници ќе бидат Иле Мишески и Филип Боцески. Контролор на средбата ќе биде Зоран Костоски.
Натпреварот е закажан за во 13 часот.
