Македонската фудбалска репрезентација до 15 години ја совлада Ерменија со 2:1 на последниот натпревар од развојниот турнир во Албанија. Избраниците на селекторот Горан Станковски турнирот го завршија со две победи и еден пораз, што им донесе второ место на табелата.
Нашите млади фудбалери одлично го започнаа натпреварот против Ерменија, откако уште во 3. минута Виган Таири погоди за водство од 1:0. Во вториот дел, Ариан Исаку во 52. минута го зголеми водството на 2:0, а противникот во последната минута само успеа да ја намали предноста.
Претходно, Македонија славеше над Косово со 1:0 на отворањето на турнирот, додека во второто коло минимално загуби од домаќинот Албанија (0:1).
Албанија ја освои првата позиција во групата, додека Македонија со две победи се пласираше на второто место.
Македонија до 15 години: Јован Даноски, Андреја Блажев (76` Хамза Зубери), Калин Аврамовски, Ариан Исаку (76` Дин Рожајац), Ејман Емини (82` Филип Богоевски), Фисник Амити (82` Диар Ајрулау), Васко Трајков (46` Павел Димоски), Доротеј Христов (46` Драган Петков), Стефан Стојановски (63` Амар Незири), Виган Таири (63` Борис Матески), Јован Јанчевски (63` Дијар Алиу);
Селектор: Горан Станковски
Албанија У15 се закити со првото место на турнирот, а македонската репрезентација заврши втора со биланс од две победи и еден пораз.
