По пауза од цели 13 години, повторно оживеа Отвореното Првенство за Ветеранки 2025, кое се одржа во прекрасна спортска атмосфера исполнета со позитивна енергија, дружење и вистински натпреварувачки дух.
Ветеранките уште еднаш докажаа дека љубовта кон тенисот нема возраст, а пасијата и упорноста се исто силни без разлика на годините.
Турнирот се одржа во ABC – ТК Мондано во текот на изминатите две саботи, 25 октомври и 1 ноември 2025 година, како дел од проектот „АС за еднаквост“, кој во соработка со Македонскиот олимписки комитет и со финансиска поддршка од Европската унија, ја промовира родовата еднаквост во спортот.
Овој настан имаше особено значење – не беше само натпревар, туку повик за враќање на категоријата ВЕТЕРАНКИ во натпреварувачкиот систем на Тениската федерација. Преку вакви активности се поттикнува повеќе дружење, активност и вклученост на жените во тенисот, со цел да се создаде мрежа на турнири кои ќе придонесат за понатамошен развој на женскиот тенис во земјава.
Резултати од разигрување:
1. место: Александра Каратановска (Тениска Академија Аеродром)
2. место: Сања Ѓоргиева (Тениска Академија Аеродром)
Резултати од главен турнир:
1. место: Марија Златевска (ТК Тумба)
2. место: Стефанија Невена (ТК Мондано)
3. место: Катерина Димовска (ТК Тумба)
