Љупче Дориев продолжува со впечатливите настапи во узбекистанскиот шампионат. Во убедливата победа на Согдиана над Кизилкум со 3-0, Дориев се истакна со гол и асистенција, потврдувајќи ја својата форма.
Дориев го отвори резултатот уште во 14. минута со прецизно изведен пенал, а подоцна беше клучен асистент на вториот погодок во 34 минута од натпреварот. Со прецизен пас до својот соиграч, Албанецот Рубин Хебај, го постигна вториот гол за тимот.
Ова е 15. гол за Дориев сезонава, а неговата статистика ја надополнуваат и шест асистенции, што го држи на второто место на листата на најдобри стрелци во лигата, веднаш зад Игор Сергеев од Пахтакор, кој има три гола повеќе.
Со ваквата форма, Љупчо Дориев се наметнува како еден од најзначајните играчи во узбекистанската лига и сигурно остава впечаток за можен повик и повраток во македонската репрезентација на Македонија.
