Утре започнува 12. коло од Првата македонска фудбалска лига, а со тоа ги имаме официјалните лица и судиите кои се задолжени да ја делат правдата на натпреварите.
Програмата започнува утре со натпреварот меѓу Арсими и Башкими, кој ќе се игра со почеток од 13:30 часот. Главен судија ќе биде Фуркан Идризи од Тетово, со помошици Вјолца Изеири од Гостивар и Имран Абази. Четврти судија е Александар Урошевиќ, оператор за повторување на снимка е Жарко Пејковски, а во ВАР собата ќе бидат искусните Игор Стојчевски и Гоце Петрески. Делегат на мечот е Кранли Емин, а контролор Бранко Манојлоски од Берово.
Во вторник се играат два натпревара. Работнички ќе ја пречека екипата на Тиквеш, а судиска четворка ќе ја предводи Стојанче Стојанов од Штип. Негови помошници се Дарко Видиниќ и Мартин Дејаноски, четврти судија е Бењамин Ќерими, а во ВАР собата ќе бидат Благојче Ралевски и Владимир Митревски, оператор за повторување снимка е Васев Виктор, делегат Ѓорески Зоран а контролор на мечот ќе биде Ставрев Александар.
Вториот натпревар е дуелот меѓу Македонија ЃП и Струга Трим Лум, со главен судија Крумислав Ѓоргиев од Штип. Ќе му асистираат Кристијан Џонов и Ристо Ѓорѓиев, додека четврти судија ќе биде Димитар Пилешков, во ВАР собата се Урошевиќ Александар и Трјаков Борис, оператор на снимка е Диме Димовски, делегат Ташев Ангел а контролор за судењето Димитар Мечкаровски од Скопје.
Во среда ќе се одиграат последните два натпревара од колото. Брера на домашен терен ќе го пречека Силекс, со главен судија Стојанче Трпчевски, нему ќе му помагаат Трпчевски Драган и Петрески Гоце, четврти судија ќе биде Марјан Младеновски, а во ВАР собата ќе бидат Никола Костенчев и Мартин Петковски, оператор на снимка е Деан Стефков, делегат Николовски Тони а контролор на судиите е Караколев Никола од Штип.
Под рефлектори во Битола, со почеток од 17:00 часот, ќе се одигра дербито меѓу Пелистер и Вардар. Главен судија ќе биде Александар Грујоски од Кичево, со помошниците Дарко Јовчески и Александар Ѓорѓески. Четврти судија е Пларент Салихи, а ВАР судии се Бењамин Ќерими и Дарко Видиниќ, оператор на снимка Мукоски Петар, делегат е Блажовски Драган а контролор за судењето на натпреварот е Јосип Бартон.
Натпреварот помеѓу Шкупи и Шкендија е одложен за 15.11.2025, поради европските обврски на шампионот од Тетово, кој треба да го одигра својот меч против полскиот тим Јагјелонија.
