Денес ќе бидат одиграни двата одложени натпревари со што ќе се комплетира седмото и осмото коло во Трета лига – Исток, а со тоа ќе го имаме и конечниот изглед на табелата.
Познати се судиите кои ќе ја делат правдата на овие два одложени натпревари.
Дербито од седмото коло ќе се игра меѓу Хоризонт Турново и Победа Валандово, дерби на две екипи кои претендираат за влез во Втора лига. Крумислав Ѓоргиев од Штип ќе биде главен судија на овој меч, а негови помошници ќе бидат Кристијан Џонов и Ристо Ѓорѓиев, исто така од Штип.
Делегат на средбата која се игра на стадионот „Кукуш“ е биде Коце Харизанов од Штип, а пак контролор еќ биде Кирчо Ѓоргиев од Штип.
Во Делчево ќе се одигра одложениот меч од 8. коло на Трета лига – Исток, а каде Брегалница ќе ја пречека Тиверија од Струмица.
Игор Филипов од Штип ќе биде главен судија на овој натпревар, а негови помошници ќе бидат Дејан Стоиков од Кочани и Ристе Бојчев од Штип.
Делегат на мечот ќе биде Момир Јанчичиќ од Пробиштип, а контролор ќе биде Александар Ангелов од Кочани.
