Викендот прволигашки фудбал ќе нема, а 12. коло ќе се игра во понеделник, вторник и среда, додека пак натпреварот меѓу Шкупи и Шкендија е одложен, поради европските обврски на шампионот од Тетово, односно натпреварот со полскиот тим Јагјелонија.
Колото се отвара во понеделник со еден натпревар, Арсими на Градскиот стадион во Гостивар ќе го пречека тимот на Башкими, дуел на двата лански второлигаши.
Во вторник на програмата ќе бидат два меча. Работнички ќе биде домаќин на Тиквеш, додека пак Македонија ЃП ќе се соочи со Струга Трим Лум.
Во среда исто така ќе бидат два меча на програмата. Пелистер во Битола ќе го пречека Вардар, а пак Брера Струмица ќе биде домаќин на Силекс.
Натпреварот меѓу Шкупи и Шкендија ќе се игра во друг термин.
