Филип Талески се наоѓа пред нов пресврт во својата кариера, откако неговиот престој во редовите на Вардар, најверојатно, ќе заврши по само три месеци.
Левиот бек се врати во „црвено-црниот“ дрес ова лето, потпишувајќи долгорочен договор со надеж дека повторно ќе биде дел од проектот на вардарци. Но, ситуацијата брзо се промени – Талески веќе неколку дена не тренира со екипата, а причината е неговото незадоволство од минутажата, особено во нападот.
Иако клубот сè уште нема официјална изјава, неофицијално се очекува да дојде до раскин на договорот, по што репрезентативецот ќе ја продолжи кариерата во нова средина.
Талески во Вардар се врати по двегодишен настап во редовите на португалска Бенфика. Претходно, беше дел од македонскиот шампион од 2020 до 2023 година, а својата кариера ја започна во Металург, по што настапуваше и во германските клубови Рајн Некар Левен и Балинген.
