Фаворитот Слога Виница без проблеми прокнижи три бода на гостувањето во Пирава, каде во рамки на 6. коло со 0:3 славеше над Ударник.
Трите гола паднаа во вториот дел, а стрелци беа Давид Ристовски, Октај Амедов и Игор Ѓорѓиев.
Голем бод како планина за Светлост од Зрновци откако одигра 1:1 против екс прволигашот Хоризонт во Турново.
Токму Светлост преку Лазаров во 19. минута дојде до 0:1, а Мицевски во 47. минута ги постави конечните 1:1.
Реми од 1:1 во Дојран меѓу Дојранско Езеро и Брегалница од Делчево каде за домаќинот стрелец беше Илиев, а за гостинот Ратков.
Карбинци однесе висока победа од 3:1 над струмичка Тиверија на домашен терен и тоа преку пресврт.
Трајков погоди за 0:1 и водство на Тиверија, а за домаќинот во вториот дел стрелаа Димитров, Стојанов и Нешовски.
Овче Поле на крилата на Дарко Нацев го декласираше Малеш со 4:0, откако Нацев имаше хет-трик, а еден гол даде Трендафилов.
